Britaniyanın məşhur The Economist jurnalı, Rusiya Prezidenti Vladimir Putin və ABŞ lideri Donald Trampın masanın başında əyləşdiyi bir başlıq dərc edib. Başlıqda "Avropa ən pis kabusunu yaşayır" ifadəsi yer alıb.

Jurnalın açıqlamasına görə, Avropa, Dəmir pərdənin düşməsindən bəri ən qaranlıq həftəsini yaşayıb və bu hadisələrin nəticələri hələ tam dərk edilməyib.

Məqalədə vurğulanır ki, Ukrayna "satılır", Rusiya "reabilitasiya olunur", və Trampın hakimiyyəti dövründə artıq Avropanın müharibə zamanı ABŞ-ın yardımına güvənməsi çətinləşib.

The Economistin təhlilinə əsasən, Rusiya ilə ABŞ arasında münasibətlərin normallaşması və Ukrayna üzrə danışıqların başlaması fonunda Tramp, Ukraynanı yalnış olaraq müharibədə günahlandırır və bu ölkədən çəkilməyə hazır görünür.

Jurnal qeyd edir ki, Avropa, ABŞ prezidentinin siyasətindən şok yaşayır. Bu siyasət NATO-nun müdafiəsi ilə bağlı Amerikanın qətiyyətini ciddi sual altına alır. https://daylinews-az.com/britaniya-jurnali-putine-ve-trampa-hesr-olunmus-basliq-derc-etdi/