Cümə axşamı axşam saatlarında qızılın qiyməti sürətlə artaraq, ticarət zamanı ilk dəfə olaraq 2 970 dollar səviyyəsini keçdi. Bu barədə məlumatı Daylinews-Az ticarət meydançalarındakı göstəricilərə əsasən yayımlayıb.

Bakı vaxtı ilə 19:48-də, New York Comex birjasında aprel ayı üzrə qızılın fyuçerslərinin qiyməti əvvəlki bağlanışla müqayisədə 17.11 dollar (0.58%) artaraq 2 953.21 dollar olub. Ticarət zamanı maksimal qiymət 2 973.4 dollar səviyyəsində qeydə alınıb.

Eyni zamanda, mart ayı üzrə gümüş fyuçerslərinin qiyməti 1.11% artaraq 33.41 dollar səviyyəsinə yüksəlib.

Dollar indeksi (ABŞ-ın altı əsas ticarət tərəfdaşının valyuta səbətinə nisbətdə) isə 0.52% azalaraq 106.63 bəndə düşüb. Dolların zəifləməsi qızıla tələbi dəstəkləyir, çünki bu vəziyyət qızılın digər valyutalarda alınmasını daha sərfəli edir. https://daylinews-az.com/?p=4627