"Liverpul"un ulduz hücumçusu Məhəmməd Salah, İngiltərə Premyer Liqasının (APL) statistik göstəricilərində yeni bir tarixi rekorda imza atıb. Misirli futbolçu "Everton"la səfər oyununda (2:2) qol vuraraq və məhsuldar ötürmə edərək 31 ildən bəri mövcud olan göstəricini geridə qoyub.

Daylinews-Az xəbər verir ki, Squawka portalının məlumatına əsasən, Salah Premyer Liqanın tarixində səfər oyunlarında bir mövsümdə 22 qol+asist xalına çatan ilk futbolçu olub. O, bu mövsüm 13 qola və 9 məhsuldar ötürməyə imza atıb və bu göstəricini yalnız 13 səfər matçında reallaşdırıb.

Salahın qırdığı rekord

Əvvəlki rekord 1993/1994 mövsümündə "Nyukasl"ın hücumçusu Endi Koul tərəfindən müəyyən edilmişdi. İngilis futbolçunun həmin mövsümdə 21 qol+asist xalı olmuşdu. Salah isə bu nailiyyəti aşaraq APL tarixində səfər oyunlarında ən çox məhsuldar xal toplayan futbolçu statusunu qazanıb.

Misirli hücumçu cari mövsümdə ümumilikdə 35 oyuna çıxıb, 27 qol vurub və 19 məhsuldar ötürmə edib. O, "Liverpul"un heyətində ən vacib oyunçulardan biri olaraq yüksək performans göstərməyə davam edir. https://daylinews-az.com/?p=4446