Milli Məclis 25 Vt və daha yüksək gücə malik elektrik lampalarının idxalı, istehsalı və satışına görə yeni cərimələrin tətbiqini nəzərdə tutan qanun layihəsini plenar iclasda müzakirəyə çıxaracaq.

Hüquq siyasəti və dövlət quruculuğu komitəsi bu gün İnzibati Xətalar Məcəlləsinə müvafiq dəyişiklikləri müzakirə edərək qanun layihəsini plenar iclasa tövsiyə edib.

Təklif edilən cərimələr

Yeni düzəlişlərə əsasən, istehsalat prosesi üçün nəzərdə tutulan istisna hallardan başqa, 25 Vt və daha yüksək gücə malik lampaların idxalı, istehsalı və satışı aşağıdakı qaydada cərimələnəcək:

- Vəzifəli şəxslər üçün 1 000 – 1 500 manat

- Hüquqi şəxslər üçün 3 000 – 4 000 manat

Eyni qanun pozuntusu bir il ərzində təkrar baş verərsə, cərimələr artırılacaq:

- Vəzifəli şəxslər üçün 1 500 – 2 000 manat

- Hüquqi şəxslər üçün 4 000 – 5 000 manat

Qanun layihəsinin qəbul edilib-edilməyəcəyi Milli Məclisin plenar iclasında qərarlaşdırılacaq. https://daylinews-az.com/azerbaycanda-25-vt-dan-guclu-elektrik-lampalari-ucun-cerimeler-tetbiq-oluna-biler/