ABŞ Prezidenti Donald Tramp, Fox News-un aparıcısı və sabiq hərbçi Pit Hegseti ölkənin müdafiə naziri təyin edib. Hegsetin bu təyinatı həm ABŞ daxilində, həm də beynəlxalq arenada geniş rezonans doğurub – təkcə siyasi mövqeyinə görə deyil, həm də onun bədənini bəzəyən onlarla tatuya görə.

Hegsetin bədənindəki bu simvollar, şəxsi inancları və hərbi keçmişi ilə sıx bağlıdır. Onun tətularının bir çoxu xristian simvolizmi, Amerika patriotizmi və ordu xidmətinə dair dərin mənalar daşıyır.

Hegsetin ən diqqətçəkən tətuları:

- İyerusəlim xaçı – Sağ sinəsində yerləşən bu qədim xristian simvolu orta əsr Səlib yürüşlərinə işarədir və mübahisələr doğurub.

- “Deus Vult” – Latınca “Tanrı belə istəyir” mənasına gələn bu ifadə Səlib yürüşlərinin döyüş çağırışı idi və son illər sağçı qruplar tərəfindən istifadə olunmağa başlanıb.

- Xaç və qılınc – Bu simvol Bibliyadan sitat olan “Mən yerə sülh deyil, qılınc gətirməyə gəldim” fikrini əks etdirir.

- Xirosim simvolu (Chi-Rho) – Hegsetin çiynində yerləşən bu qədim xristian işarəsi Roma imperatoru Konstantin dövründən gəlir.

- “We the people” və “1775” – ABŞ Konstitusiyasının ilk sözləri və Amerikanın Müstəqillik Müharibəsinin başlama tarixi onun patriotik duruşunu göstərir.

- “Join or Die” simvolu – Benjamin Franklin tərəfindən yaradılmış bu zəhərli ilan tətusu ABŞ koloniyalarının birliyinə çağırışdır.

- 13 ulduz – ABŞ bayrağının ilk variantlarını simvolizə edir.

- Amerika bayrağı və snayper tüfəngi – İkinci düzəlişi və silah daşıma hüququna verdiyi dəstəyi əks etdirir.

- 187-ci piyada alayının simvolu – Hegsetin xidmət etdiyi hərbi birliyin nişanıdır.

Təyinat niyə mübahisəlidir?

Pit Hegset daha əvvəl Milli Qvardiyada xidmət edib, İraq və Əfqanıstanda döyüşüb, lakin bir sıra ekspertlər onun müdafiə naziri kimi təcrübəsinin çatışmaz olduğunu bildirirlər. Onun tənqid etdiyi məsələlər arasında gender bərabərliyi, ordu daxilində “oyanmışlıq” proqramları və müharibə cinayətlərində ittiham olunan əsgərlərə verilən cəzalar var.

Tramp isə onu “ordu üçün mübarizə aparan ən sadiq şəxslərdən biri” adlandırıb. Onun fikrincə, Hegsetin rəhbərliyi ilə ABŞ ordusu əvvəlki gücünə qayıdacaq. Hegset də öz növbəsində Biden administrasiyasını "fələstinpərəst nəsil" tərəfindən idarə olunmaqda günahlandırıb və İsrailin HƏMAS-a qarşı “cəhənnəmi endirəcəyini” deyib. https://daylinews-az.com/?p=5546