İrlandiyalı tanınmış UFC döyüşçüsü və iki çəki dərəcəsində keçmiş çempion Konor Makqreqorun azadlığı təhlükə altına düşə bilər. Yerli mediada yayılan məlumata görə, idmançının sosial şəbəkədəki bəzi paylaşımları hüquq-mühafizə orqanlarının diqqətini cəlb edib.

İddiaların səbəbi nədir?Irish Independent nəşrinin yazdığına görə, İrlandiyanın dövlət ittihamçısı Makqreqorun 2023-cü ilin noyabrında Dublində baş vermiş iğtişaşlardan əvvəl sosial şəbəkə “X”-də (keçmiş Twitter) etdiyi açıqlamaları diqqətlə araşdırıb. Həmin paylaşımlarda o, ölkədəki miqrasiya siyasətinə qarşı sərt ifadələr işlətmişdi.

Rəsmi qurumlar bu fikirlərin ictimai nifrətə və zorakılığa təkan verə biləcəyindən narahatdır. Təhqiqat orqanları bu açıqlamaların birbaşa zorakı hərəkətlərə səbəb olub-olmadığını araşdırır.

Hüquqi nəticələrİrlandiya qanunvericiliyinə əsasən, nifrət nitqinə görə maksimum 7 ilədək həbs cəzası nəzərdə tutulur. Hazırda Makqreqora qarşı rəsmi ittiham irəli sürülməsə də, istintaq davam edir və yekun qərar araşdırmalardan sonra veriləcək.

Xatırladaq ki, bu yaxınlarda Konor Makqreqor İrlandiya prezidentliyinə namizədliyini irəli sürmüşdü. https://daylinews-az.com/konor-makqreqor-nifret-nitqine-gore-hebs-riski-ile-uz-uzedir/