ABŞ prezidenti Donald Tramp milyarder İlon Maskla bağlı verdiyi son açıqlamalarla diqqət çəkib. O, Maskın ona lazım olmadığını, sadəcə xoşuna gəldiyini bildirib.

“İlon mənə lazım deyil, sadəcə xoşum gəlir”

10 aprel tarixində jurnalistlərlə görüş zamanı Tramp bu sözləri deyib:

“İlon mənə lazım deyil, sadəcə xoşuma gəlir. Amma deməliyəm: bu adam inanılmaz işlər görüb”.

Tramp bu bəyanatı ilə Maskın hökumətdəki rolu ilə bağlı yayılan söz-söhbətlərə cavab verib. Xatırladaq ki, İlon Mask hazırda ABŞ-da Dövlət Effektivliyi Departamentinə rəhbərlik edir.

“Tesla almışam, amma istifadə etmirəm”

ABŞ prezidenti həmçinin bildirib ki, Maskın şirkətindən Tesla markalı elektromobil alıb. Lakin o, bu addımı yalnız bir səbəbdən atdığını qeyd edib:

“Maskın avtomobilini mənə endirimlə verdiyini iddia etdilər. Mən də dedim ki, yox, mən ən yüksək qiymətə alıram. Qiymətli avtomobilə görə tam məbləği ödədim”.

Buna baxmayaraq, Tramp etiraf edib ki, özü elektromobildən istifadə etmir:

“Mən onu sürmürəm. Bilirsiniz, nə edirəm? O maşını Ağ Evin əməkdaşlarına verib gəzdirirəm”.

Tramp və Mask münasibətləri

Trampın bu sözləri, onun İlon Maskla olan münasibətlərinə dair uzun müddətdir davam edən suallara yeni işıq salıb. Tramp əvvəllər Maskın texnologiya sahəsindəki nailiyyətlərini tərifləmişdi, lakin prezidentliyi dövründə elektromobillərlə bağlı siyasətləri çox vaxt tənqid olunmuşdu. https://daylinews-az.com/trampdan-sert-aciqlama-mene-mask-lazim-deyil/