Bayram və əlamətdar tarixlər ərəfəsində Bakı–Naxçıvan istiqamətində təyyarə bileti almaq istəyən vətəndaşlar tez-tez çətinliklə üzləşirlər. Daylinews-az.com-un məlumatına görə, vətəndaşlar bildirirlər ki, bayramlardan əvvəl biletlər sürətlə tükənir, əlavə reyslər barədə isə ya gec məlumat verilir, ya da onlar onlayn sistemlərdə ümumiyyətlə görünmür.

Məsələ ilə bağlı “Azərbaycan Hava Yolları” QSC-nin xarici və daxili kommunikasiya şöbəsinin rəhbəri Fərid Hüseynov açıqlama verib. Onun sözlərinə görə, Bakı–Naxçıvan marşrutu üzrə gündəlik təxminən 10, bayram günlərində isə 17-yə qədər reys həyata keçirilir.

Artan sərnişin axını zamanı əlavə reyslərin təyin olunduğunu qeyd edən AZAL rəsmisi bildirib ki, bu reyslər üzrə biletlər yalnız hava limanındakı kassalarda satışa çıxarılır və onlayn sistemlərdə əks olunmur. Bu yanaşma, Hüseynovun sözlərinə görə, hava limanında növbədə dayanan sərnişinlərə uçuş imkanı yaratmaq məqsədi daşıyır. https://daylinews-az.com/azal-bayram-gunlerinde-naxcivana-bilet-catismazliginin-sebebini-aciqladi/