Moda dünyasının simvolik siması Anna Vintur artıq “Vogue”un baş redaktoru olmayacaq. O, qlobal layihələrə diqqət yetirmək üçün postunu təhvil verir, amma Condé Nast daxilində əsas fiqur olaraq qalır.

Moda jurnalistikasının əfsanəsi, nüfuzlu media menecer Anna Vintur 37 il rəhbərlik etdiyi “Vogue”un ABŞ nəşrinin baş redaktoru vəzifəsindən gedir. Bu barədə əvvəlcə Financial Times, daha sonra isə Vogue-un rəsmi saytı məlumat yayıb.

1988-dən bu günə – jurnaldan mədəniyyət hadisəsinə

Vintur 1988-ci ildə “Vogue”un ABŞ versiyasının sükanı arxasına keçmiş və bu nəşri qlobal moda brendinə, eyni zamanda pop mədəniyyətin ayrılmaz hissəsinə çevirməyi bacarmışdı. Onun rəhbərliyi dövründə jurnal Met Gala, Vogue World kimi beynəlxalq əhəmiyyətli layihələrə imza atmış, Condé Nast daxilində isə getdikcə artan nüfuz qazanmışdı.

Yeni rol – qlobal fokus və strateji rəhbərlik

Vogue-un açıqlamasına görə, redaksiyanın rəhbərliyini yeni şəxsə ötürmək qərarı Vinturun qlobal strategiyalara tam olaraq fokuslana bilməsi üçün atılıb. Yeni baş redaktor birbaşa Vinturun nəzarəti altında çalışacaq və digər beynəlxalq nəşrlərin rəhbərləri ilə eyni səviyyədə koordinasiya olunacaq.

Vintur Condé Nast-ın əsas siması olaraq qalır

Rolu dəyişsə də, Anna Vintur Condé Nast-ın baş kontent direktoru vəzifəsində qalır. O, bundan sonra da:

- Şirkətin qlobal məzmun strategiyasını müəyyən edəcək,

- Rəqəmsal transformasiya və auditoriya vərdişlərinin dəyişməsi fonunda aparılan struktur dəyişikliklərinə rəhbərlik edəcək,

- Moda jurnalistikasında yenilikçi yanaşmalarla şirkətə istiqamət verəcək.

Condé Nast bildirir ki, bu dəyişikliklər rəqəmsal məhsulların inkişafına və brendin müasir çağırışlara uyğunlaşmasına xidmət edir. https://daylinews-az.com/?p=7827