“Real Madrid”in hücumçusu Kilian Mbappe ilə bağlı qalmaqallı açıqlama gündəm oldu. Booba futbolçunun şəxsi həyatını ifşa etməklə hədələyib.

Fransanın məşhur reperi Booba, Kilian Mbappenin keçmiş klubu “PSJ”yə qarşı məhkəmə iddiası ilə bağlı qalmaqallı paylaşım edib. İfaçı bildirib ki, əgər futbolçu Paris klubunun rəhbəri Nasser əl-Xəlaifi ilə münaqişəni dayandırmasa, onun xəstəliyinə və şəxsi həyatına dair gizli məlumatları ictimaiyyətə açıqlayacaq.

Bu barədə məlumatı Daylinews-az.com yayıb. Booba paylaşımını öz Facebook səhifəsində yerləşdirib. “Əgər sən Nasser əl-Xəlaifini rahat buraxmasan, mən ona Palmbiçdə nə etdiyini, kimlə olduğunu və mədə infeksiyasını necə yoluxduğunu danışacağam. Futbolunu oyna, qollar vur və futbolkalar sat”, – deyə reper yazıb.

Mbappenin səhhətindəki problem

Xatırladaq ki, 19 iyun tarixində 26 yaşlı hücumçu ABŞ-da kəskin qastroenterit diaqnozu ilə xəstəxanaya yerləşdirilmişdi. Lakin elə həmin gün o, komandası ilə birlikdə təlim-məşq bazasına qayıdıb.

Həkimlərin sözlərinə görə, Mbappe bir neçə gün ərzində yalnız meyvə və maye idman qidaları ilə qidalanıb.

PSJ və sponsorlar məsələni şərh etmir

Kilian Mbappenin PSJ klubuna qarşı məhkəmə iddiası əsasən psixoloji təzyiqlər və müqavilə pozuntuları ilə bağlıdır. Lakin nə “Paris Sen-Jermen”, nə də klubun rəsmi sponsorları – Nike, Qatar Airways və 1xBet – hələlik mövzu ilə bağlı rəsmi açıqlama yaymayıb.

Yaxın günlərdə məsələ ilə bağlı həm klubdan, həm də futbolçudan əlavə məlumatların veriləcəyi gözlənilir. https://daylinews-az.com/fransiz-reper-booba-mbappeni-xesteliyi-ile-hedeledi-eger-sakit-dayanmasan-her-seyi-aciqlayacagam/