30 iyul, çərşənbə günü, Kamçatka sahillərində güclü zəlzələ baş verib. Rusiya Elmlər Akademiyasının Geofizika Xidmətinə əsasən, zəlzələnin maqnitudası 8.7 bal təşkil edib. Bu, 1952-ci ildən bəri bölgədə qeydə alınmış ən güclü zəlzələdir.

Zəlzələ Kamçatka vilayətinin bir sıra bölgələrində panika və təxliyə ilə nəticələnib. Petropavlovsk-Kamçatsk şəhərində uşaq bağçalarından biri qismən dağılıb. Kamçatka diyarının qubernatoru Vladimir Solodov bildirib ki, hadisə nəticəsində tələfat qeydə alınmayıb.

Telegram-kanalı Shot yazır ki, ilk təkanlar saat 11:30-da Şimal Kurilsk şəhərində hiss olunub. Şahidlər bildiriblər ki, mebellər titrəyib, rəflərdən əşyalar düşüb, avtomobillərin siqnalları işə düşüb.

Sunami və təhlükə xəbərdarlığı

Güclü zəlzələdən sonra sunami qeydə alınıb. Vodopadnıy burnunda dalğaların hündürlüyü 3-4 metrə çatıb, birinci dalğa artıq Şimal Kurilsk sahillərindən keçərək zavodu silib süpürüb.

Sunami həyəcanı yalnız Kamçatka ilə məhdudlaşmayıb:

- Kuril adalarında,

- Yaponiya sahillərində,

- Alyaska və Havay adalarında,

- Şimali Amerikanın bütün Sakit okean sahillərində təhlükə xəbərdarlığı elan olunub.

Mütəxəssislər ikinci və daha güclü sunami dalğalarının ola biləcəyi barədə xəbərdarlıq edirlər.

Bu zəlzələ, Kamçatkanın seysmik tarixində ən güclülərdən biri hesab olunur. 1952-ci il Kamçatka zəlzələsi (maqnituda 9.0) bölgədə dağıdıcı sunami ilə müşayiət olunmuşdu. Bu dəfə isə sürətli reaksiya və müasir xəbərdarlıq sistemləri sayəsində böyük tələfatın qarşısı alınıb. https://daylinews-az.com/kamcatkada-guclu-zelzele-ve-sunami-alyaska-ve-havay-adalarinda-heyecan-elan-edildi/