Azərbaycanda daha üç tibb müəssisəsində elektron növbə sistemi tətbiq olunub. Daylinews-az.comun məlumatına görə, bu barədə Tibbi Ərazi Bölmələrini İdarəetmə Birliyi (TƏBİB) rəsmi açıqlama yayıb.

Yeni sistem aşağıdakı xəstəxanalarda istifadəyə verilib:

- Gəncə Şəhər Birləşmiş Xəstəxanasının nəzdindəki Abbas Səhhət adına xəstəxana

- Şirvan Şəhər Mərkəzi Xəstəxanası

- Lənkəran Rayon Mərkəzi Xəstəxanası

TƏBİB bildirir ki, mərhələli şəkildə həyata keçirilən layihə bu müəssisələrdə artıq başa çatıb.

Elektron növbə sisteminin tətbiqi ilə:

- Qəbul zamanı yaranan sıxlığın azaldılması,

- Xəstələrin vaxt itkisi yaşamadan rahat növbəyə yazılması,

- Tibbi xidmətlərə daha səmərəli çıxışın təmin olunması hədəflənir.

Sistem çərçivəsində quraşdırılan elektron növbə monitorları növbələrin ardıcıllığına nəzarət etməyə və canlı növbələrin idarə olunmasına kömək edəcək.

Qeyd edək ki, bu günədək ölkə üzrə 20-dən çox tibb müəssisəsində elektron növbə monitorları quraşdırılıb və sistem tam işlək vəziyyətə gətirilib. https://daylinews-az.com/?p=8661