1 oktyabrda Tofiq Bəhramov adına Respublika Stadionunda Qarabağ Avropa futbolunun tarixini bir daha yenidən yazmağa çalışacaq. Qurban Qurbanovun komandasının ilk turun səfər oyununda Benfika üzərində qazandığı qələbə artıq XXI əsrdə turnirin ən böyük sensasiyalarından biri adlandırılır, amma Azərbaycan çempionları bununla kifayətlənmək niyyətində deyillər.

Opta superkompüterinin hesablamalarına görə, pley-off mərhələsinə vəsiqə qazanmaq üçün minimum 9 xal tələb olunur. Kopenhagen üzərində qələbə isə o demək olacaq ki, Qarabağın hədəfə çatmaq üçün cəmi 3 xal toplaması qalacaq.

Rəqiblərin Bakıda keçiriləcək vacib görüşə hansı durumda çıxacağı – 1xBet Azərbaycan-ın ön baxışında.

Tarixi irs

2017-ci ildə bu komandalar artıq turnirin həlledici təsnifat mərhələsində üz-üzə gəlmişdilər. O zaman Qarabağ iki oyunun nəticəsinə görə qalib gələrək Azərbaycan futbolu tarixində ilk dəfə Çempionlar Liqasının qrup mərhələsinə yüksəldi. Həmin vaxtdan bəri hər iki komanda dəfələrlə avrokuboklarda öz iddialarını təsdiqləyib – təkcə Qarabağın iki mövsüm əvvəl Avropa Liqasının pley-off mərhələsində Bayerlə oyunları buna dəyər!

Ağdam klubunun Çempionlar Liqasının əsas mərhələsində iştirakı – Qurban Qurbanovun illərlə apardığı işin qanunauyğun nəticəsidir. Onun rəhbərliyi altında komanda təkcə daxili arenada dominantlıq etmir, həm də Avropadakı reytinqini davamlı olaraq artırır. Qarabağ sabit nəticələri və texnikaya, topa nəzarətə, həmçinin yüksək pressinqə əsaslanan hücumameyilli oyun üslubu sayəsində qitədə tanınan klub olub.

Niyə danimarkalıları qiymətləndirməmək olmaz

Kopenhagen də sabitliyə üstünlük verir. Hazırkı baş məşqçi Yakob Neestrup 2022-ci ildən klubda çalışır. 2023/24 mövsümündə, bizim komandamızın Bayerlə bərabər səviyyədə oynadığı vaxtda, danimarkalılar Çempionlar Liqasının pley-off mərhələsinə yüksəldilər və çox daha böyük maliyyə imkanlarına sahib olan Qalatasarayla Mançester Yunaytedin önündə finiş etdilər. Turnirin cari mövsümündə də Kopenhagen ciddi hədəflər qoyub: ilk turun matçında Neestrupun yetirmələri yalnız kompensasiya olunmuş dəqiqələrdə Bayer üzərində qələbəni əldən verərək 2:2 hesablı heç-heçə ilə kifayətləndilər.

Onların heyətində parlaq ulduzlar yoxdur, baxmayaraq ki, yayda Dortmunddan transfer olunan Yussufa Mukoko bir vaxtlar Almaniyanın əsas istedadlarından biri sayılırdı və Qətərdə keçirilən dünya çempionatında iştirak edərək Almaniya yığmasının mundial tarixində ən gənc futbolçusu oldu.Komanda zonaları bağlamağı və şansını əks-hücumda və ya standart vəziyyətlərdə gözləməyi yaxşı bacarır. Mukokodan əlavə burada fərdi baxımdan güclü digər oyunçular da var – məsələn, cinah oyunçusu Jordan Larsson. O, əfsanəvi atası Henrik qədər çox qol vurmur, amma bir neçə müdafiəçini asanlıqla keçərək zərbə üçün fürsət yarada bilir.

Komanda-sensasiya ən yüngül təqvimə sahib komandaya qarşı

Qarabağ sıx və çoxsaylı danimarka müdafiəsini yara biləcəkmi? Qurbanovun komandası yəqin ki, birinci nömrə kimi oynayacaq, Kopenhagen isə əks-hücumlara güvənəcək. Hər bir xalın yekun cədvəl üçün böyük əhəmiyyət daşıdığı Çempionlar Liqasında komandaların heç biri düşünmədən risk etməyəcək.

Maraqlıdır ki, elə həmin Opta superkompüteri danimarkalıların təqvimini əsas mərhələdə iştirak edən bütün klublar arasında ən asan hesab edib. Bu da az deyil, çünki komandaya Qarabağla oynamaq lazım gələcəkdi. Amma ilk turun oyunlarından sonra kompüterin bəzi dəyərləndirmələrinin açıq-aşkar yenidən nəzərdən keçirilməsinə ehtiyac var. Əgər Bakı klubu səfərdə 0:2 hesabı ilə uduzarkən Benfikanı məğlub edə bilibsə, doğma meydanda Kopenhagen üzərində qələbə heç də inanılmaz görünmür.Oyunun pulsuz yayımına 1xBet platformasında baxın! https://daylinews-az.com/yeni-era-ve-kohne-tanislar-cempionlar-liqasinda-qarabag-kopenhagen-oyunundan-ne-gozlemek-olar/