Yeni il bayramları yaxınlaşdıqca sərnişin axını və səyahət həcmi artacaq. Bu səbəbdən 29 dekabr – 5 yanvar tarixlərində Heydər Əliyev Beynəlxalq Aeroportu fasiləsiz, təhlükəsiz və yüksək səviyyəli xidmət təmin etmək üçün gücləndirilmiş iş rejiminə keçir.

Xidmət strukturları əlavə qrafiklərlə işləyəcək

Bayram dövrlərində hava limanının bütün əsas xidmətləri gücləndirilmiş qrafiklər üzrə fəaliyyət göstərəcək. Əlavə növbələr təşkil olunacaq, təhlükəsizlik tədbirləri artırılacaq, sərnişin axınının effektiv idarə edilməsi və proseslərin sürətləndirilməsi prioritetləşdiriləcək. Bu, Yeni il səfərlərində yaranacaq pik yüklənmələrin sorunsuz idarə edilməsini təmin edəcək.

Sərnişinlərə xüsusi tövsiyələr verilib:

- Uçuşdan ən azı 2 saat əvvəl hava limanına gəlmək

- Hava limanı qaydalarına və əməkdaşların göstərişlərinə riayət etmək

- Onlayn qeydiyyatdan istifadə edərək vaxt qənaəti aparmaq

Aeroexpress və digər rahatlıq tədbirləri

Hava limanına vaxtında çatmaq üçün “Aeroexpress” xidməti tövsiyə olunur. Avtobuslar “28 May” metrosu – “Koroğlu” metrosu – Hava limanı marşrutunda hər 15 dəqiqədən bir hərəkət edir. Onlayn qeydiyyat isə prosedurları xeyli sürətləndirəcək.

Sərnişinlər hər hansı sualları rəsmi sayt və məlumat xidmətləri vasitəsilə əldə edə bilərlər. Hava limanı Yeni il bayramlarında milyonlarla sərnişini qəbul etmək üçün tam hazırdır və xidmət keyfiyyətindən kompromis verməyəcək.