Azərbaycan sakinləri may ayının ikinci həftəsində uzunmüddətli istirahət imkanı qazanacaqlar. 9 May – Faşizm üzərində Qələbə Günü münasibətilə ölkədə ardıcıl üç gün iş olmayacaq.

Mövcud qanunvericiliyin tələblərinə əsasən, bayram günləri ilə istirahət günlərinin üst-üstə düşməsi tətil müddətinin uzadılmasına səbəb olur. Bu il 9 may tarixi şənbə gününə təsadüf etdiyi üçün iş və istirahət günlərinin yerində dəyişiklik ediləcək. Belə ki, şənbə gününə düşən bayramın əvəzinə gələn həftənin ilk iş günü qeyri-iş günü hesab olunacaq.

Tətil günlərinin ardıcıllığı aşağıdakı kimidir:

- 9 may – Şənbə (Qələbə Günü, qeyri-iş günü)

- 10 may – Bazar (Həftəlik istirahət günü)

- 11 may – Bazar ertəsi (Şənbə günündən keçirilən istirahət günü)

Beləliklə, rəsmi olaraq 9, 10 və 11 may tarixlərində vətəndaşlar işə çıxmayacaqlar. Növbəti iş həftəsi isə mayın 12-dən etibarən başlayacaq.