Mayın 5-8-də Bakıda keçiriləcək “Caspian Agro 2026” sərgisi aqrar sektor nümayəndələri üçün mühüm platformaya çevriləcək. Tədbir çərçivəsində “Advice&Consulting” şirkəti fermerləri, investorları və kənd təsərrüfatı üzrə mütəxəssisləri öz stendinə dəvət edərək yüksək məhsuldarlığa əsaslanan bağçılıq və üzümçülük layihələri ilə bağlı müasir yanaşmalarını təqdim edəcək.

Şirkət uzun illərdir aqrar sahədə fəaliyyət göstərən müxtəlif müəssisələrin strateji tərəfdaşı kimi tanınır. Onun fəaliyyəti yalnız texniki avadanlıqların təminatı ilə məhdudlaşmır. “Advice&Consulting” layihələrin planlaşdırılması mərhələsindən başlayaraq məhsulun yığım sonrası emalı və qablaşdırılmasına qədər bütün prosesləri əhatə edən kompleks xidmətlər təklif edir.

Kompleks həllər və fərdi yanaşma

Sərgi zamanı iştirakçılar kənd təsərrüfatının müxtəlif istiqamətləri üzrə təqdim olunan həllərlə yaxından tanış ola biləcəklər. Xüsusilə aşağıdakı sahələr diqqət mərkəzində olacaq:

- Meyvə ağacları üçün keyfiyyətli tinglər

- Müasir suvarma sistemləri

- Dolu və yağıntıya qarşı qoruyucu konstruksiyalar

- Kənd təsərrüfatı texnikası və avadanlıqları

- Soyuducu anbar və logistika həlləri

- Çeşidləmə və qablaşdırma xətləri

Şirkət nümayəndələrinin sözlərinə görə, əsas məqsəd yalnız məhsuldarlığı artırmaq deyil, eyni zamanda təsərrüfatların uzunmüddətli dayanıqlığını təmin edən sistemlərin qurulmasına dəstək verməkdir. Bu baxımdan “Advice&Consulting” özünü layihələrin bütün mərhələlərində müşayiət edən etibarlı tərəfdaş kimi təqdim edir.

Avropa və Mərkəzi Asiya regionlarında toplanmış təcrübə şirkətə müxtəlif iqlim və torpaq şəraitinə uyğun fərdi həllər hazırlamaq imkanı verir. Bu yanaşma fermerlərə daha səmərəli və bazar yönümlü təsərrüfatlar qurmağa kömək edir.

Sərgi günlərində ziyarətçilər şirkətin ekspertləri ilə birbaşa ünsiyyət quraraq həyata keçirilmiş layihələrlə tanış ola, həmçinin yeni təsərrüfatların yaradılması və ya mövcudların modernləşdirilməsi ilə bağlı praktiki tövsiyələr əldə edə biləcəklər. “Gələcəyi yaratmaq üçün bu günə sərmayə qoyuruq” prinsipi ilə fəaliyyət göstərən şirkət aqrar sektorun texnoloji inkişafında fəal iştirakını davam etdirir.